اذمـا

رواية " اذمـاا " صادق خلقت السؤال ده ، لو وقفت قدام المراية هتشوف ايه ؟، نفسك ولا قشرة؟، وياترى اللي هتشوفه ده انت فعلًا ؟، ده اللي انت تخيلت انك يوم ما هتوصله؟، مصدق نفسك ؟! .

الرواية من أدب الدراما/ اجتماعي، رواية سينمائية اكثر منها ادب سردي ( يعني الحوار اكتر من السرد، الشخصيات محركة للحبكة اكثر، بتمر كفيلم اكثر منها رواية ،وفكرتها الحقيقة كانت مبتكرة وعجبتني فعلًا

اقوى حاجة بالنسبالي في قلم صادق من زمان هي " النفسية " ، خلق الجانب النفسي ومشاعر الشخصيات في رواياته، و قدرته على توظيف ده صح في الحبكة بتخلي القارئ تلقائي يربط بين حياته أو حياة اللي حواليه وبين العمل.

فكرة الرواية، خط سير الأحداث ومنطقيته والنهاية والشخصية الرئيسية بمميزاتها وعيوبها، كانت حلوة جدًا في العمل ده وطريقة توظيفها كانت صح ( زي ما قلت فوق، اقوى سمات صادق الجانب النفسي ).

الأسئلة اللي كانت جوا الكتاب مهمة، وبالتالي خلتني افكر، وتباعًا خلتني اركز واستمتع للنهاية

للمزيد من الكتب تواصل معنا على فيس بوك