Asturgram

Asturgram E mensaxería uygulama ve güvenlik içinde hız na odaklanmış

Asturgram ye una aplicación de mensaxería nel intre enfocada na velocidá y seguranza. Ye súper rápida, cenciella, segura y llibre.

Telegram/Asturgram sincronízase ensin torgues ente tolos tos preseos y pue usase nel ordenador, tableta y móvil. Pues unviar una cantidá illimitada de mensaxes, semeyes, vídeos y ficheros de cualesquier triba (.doc, .zip, .pdf, ...etc). Los grupos de Telegram tienen fasta 200 persones y pues unviar mensaxes de difusión a 100 persones (nes llistes de difusión) al mesmu tiempu. Nun t'escaezas de convidar a los tos collacios a usar Telegram/Asturgram. Construyimos Asturgram pa facer de nueves la mensaxería nel intre rápida y segura, ensin les alvertencies de siempres.

¿Por qué cambiase a Asturgram?

RAPIDEZ: Asturgram ye l'aplicación de mensaxería nel intre más rápida na Play Store porque usa una cadarma distribuyida con centros de datos asitiaos alredor del globu pa coneutar a los usuarios col sirvidor más averáu posible.

SEGURANZA: Fiximos la nuesa misión d'apurrir la meyor seguranza metanes de tolos mensaxeros masivos. Asturgram cifra d'un mou fuerte tolos tos datos con algoritmos probaos nel tiempu.

ALMACENAMIENTU NA ÑUBE: Asturgram sincronízase ensin torgues ente tolos tos preseos, pa qu'asina pueas acceder siempres a los tos datos d'un mou seguru. La historia de los tos mensaxes atróxase de baldre na ñube de Telegram. ¡Enxamás nun perderás los tos datos de nueves!

CHARRES EN GRUPU Y COMPARTICIÓN: Con Asturgram pues formar charres de fasta 200 miembros, unviar mensaxes de difusión a 100 contautos (nes llistes de difusión) al mesmu tiempu, compartir aína vídeos llargos, documentos (.doc .ppt .pdf . zip etc), y unviar una cantidá illimitada de semeyes a los tos collacios.

FIABILIDÁ: Construyíu pa unviar los tos mensaxes nos menos bytes posibles, Telegram ye'l sistema de mensaxería nel intre más fiable enxamás fechu. Furrula incluso nes conexones móviles más febles.

100% DE BALDRE Y ENSIN ANUNCIOS: Telegram ye de baldre y sedrálo dafechu. Nun vamos vendete anuncios o introducir cuotes de soscripción.

PRIVACIDÁ: Tomámonos en serio la to privacidá y enxamás nun daremos accesu a los tos datos a terceres compañes. P'aquellos interesaos na máxima privacidá, Telegram ufre charres secretes. Les Charres Secretes puen programase p'autodeasniciase dende dambos preseos participantes. D'esti mou podrás unviar toa triba de conteníos que llueu desapaecerán, como: mensaxes, semeyes, videos ya incluso ficheros. Les Charres Secretes usen el cifráu puntu a puntu p'asegurar qu'un mensaxe namái pue lleelu'l so remitente y destinatariu.

SOFITU: Pa sofitu tocante a la rede Telegram, por favor vete a Axustes n'Asturgram y esbilla "Fai una entruga" pa unviar un mensaxe (n'inglés) direutamente a los nuesos voluntarios del sofitu. Tamién pues unviamos un corréu a servicios@softastur.org ó alministradores@softastur.org siguimos en Twitter: https://www.twitter.com/Telegram_ast pal sofitu de l'aplicación.

Asturgram ta biforcáu del orixinal https://play.google.com/store/apps/details?id=org.telegram.messenger y ta so la mesma llicencia que l'aplicación orixinal. Los iconos emplegaos na tercera semeya tán fechos por Flaticon.