Galicia WebCam

Incorpora come carta da parati o condivide il paesaggio della Galizia 19 webcam

Galicia WebCam Wallpapers permite configurar calquera das 19 webcams de MeteoGalicia coma Fondo de Pantalla ou Wallpaper do smartphone ou tablet.

Escolle unha das paisaxes de Galicia no menú despregable e pulsa na icona de cámara para completar a configuración.

A imaxe no Smartphone ou Tablet actualizarase cada quince minutos se existe conexión wifi.

En versións de Android Nougat e Oreo a imaxe móstrase tamén na Pantalla de Bloqueo ou LockScreen.

Para unha mellor visualizacion manteña pulsada a pantalla de Inicio, nas opcións que aparecen pulse "Axustes" e active a opción "Permitir rotación"

Todas as imaxes proceden das cámaras web que Meteogalicia incorpora nas estacións meteorolóxicas de Ribadeo, Burela e Cervantes na provincia de Lugo. Cariño, Cedeira, A Coruña, Arteixo, Camariñas, Carnota, Porto do Son, Ribeira e Compostela na provincia de A Coruña. Vilanova de Arousa, Cuntis, Marín, Illas Cíes (Vigo) e Cangas na Provincia de Pontevedra. E Carballeda de Valdeorras na provincia de Ourense, pódense consultar na dirección web do servizo de meteoroloxía de Galicia http://www.meteogalicia.gal/observacion/camarasweb/camarasWeb.action

Meteogalicia é o nome que recibe a A Unidade de Observación e Predición Meteorolóxica de Galicia, organismo dependente da Consellería de Medio Ambiente da Xunta de Galicia. Creada no ano 2000 froito dun convenio entre coa Universidade de Santiago de Compostela e que ten como obxectivos principais a realización dunha predición meteorolóxica de Galicia e a explotación e mantemento da rede de observación meteorolóxica e climatolóxica da Xunta de Galicia.

Esta aplicación non ten ningunha vinculación con MeteoGalicia ou coa Consellería de Medio Ambiente e Ordenación do Territorio da Xunta de Galicia, organismos aos que pertence a titularidade e o exercicio de todos os dereitos de explotación e divulgación da devandita información.

A información recollida por meteogalicia ofrécese gratuitamente aos cidadáns para que poida ser utilizada libremente por eles, co único compromiso de mencionar expresamente a MeteoGalicia e á Consellería de Medio Ambiente e Ordenación do Territorio da Xunta de Galicia como fonte da mesma cada vez que as utilice para os usos distintos do particular e privado.