Скопје 2014 под лупа

Biaya "Skopje 2014" tersedia melalui lensa dari setiap perangkat mobile

Колку нè чини е мобилна апликација којашто ви овозможува да ја дознаете цената на чинење на еден или повеќе објекти кои се дел од проектот „Скопје 2014“ преку фотографирање на објектите со помош на вашиот мобилен уред.

Апликацијата е способна да ги препознае сите објекти кои се дел од проектот „Скопје 2014“ и се документирани во базата на податоци „Скопје 2014 под лупа“. Покрај препознавањето на објектите, апликацијата ја прикажува цената на чинење на еден или повеќе објекти во зависност од опцијата за фотографирање што ја имаат избрано корисниците. Преку преглед, или фотографирање на еден објект, ќе ја дознаете само цената на конкретниот објект, додека пак, доколку фотографирате со поширок радиус, можете да дознаете колку чини секој објект посебно кој се наоѓа во дадениот кадар или да ја пресметате заедничката вредност на сите објекти во кадарот.

Направените фотографии со помош на оваа апликација може, но и не мора, да бидат преземени и натаму користени од страна на Балканската истражувачка репортерска мрежа во зависност од политиката на приватност којашто ќе ја изберат корисниците на апликацијата.

Оваа мобилна апликација е издадена од страна на Балканската истражувачка репортерска мрежа како помошна алатка на корисниците на базата на податоци „Скопје 2014 под лупа“.

Сите заинтересирани корисници можат да ја преземат и да ја користат оваа апликација без никаков финансиски надомест кон издавачот.