Allahin 99 ismi

Nikmati jutaan aplikasi Android, game, musik, film, TV, buku, majalah & yang terbaru lainnya. Kapan pun, di mana pun, di seluruh perangkat Anda.

Rəşad Hümbətov - Allahin 99 ismi

Həqiqətən, həmd (şükür və tərif) yalnız Allaha məxsusdur! Biz Ona həmd edirik, Onu köməyə çağırırıq, Ondan bağışlanma və bizi haqq yoluna yönəltməyi diləyirik, nəfslərimizin şərindən və pis əməllərimizdən qorunmaq üçün yalnız Ona pənah aparı-rıq. Allah kimə hidayət versə o, haqq yolunda olar və kimi də azdırsa onu haqq yoluna yönəldən tapılmaz. Mən şahidlik edirəm ki, Allahdan başqa ilah (ibadətə haqqı olan məbud) yoxdur, Onun şəriki yoxdur və şahidlik edirəm ki, Məhəmməd Onun qulu və elçisidir.

Bu kitab Allah təbərak və təalənin doxsan doqquz ismi və onların geniş mənalarından bəhs edir. Etiqad edirəm ki, müvəffəqiyyət Allahu təalə tərəfindəndir. Əgər Allah təbərak və təalə xeyrə müvəffəq etməsə insan ona çata bilməz və yenə etiqad edirəm ki, söylədiyim xeyir və doğru sözlər Allahdandır. Etdiyim xətalar isə öz nəfsimdəndir. Buna görə Allahu təaləyə istiğfar edir və bu kitabın oxucular üçün faydalı olmasını diləyirəm.

Öncə qeyd edim ki, Allahu təalənin adlarının sayı bizə məlum deyildir. Elə adlar mövcuddur ki, uca Allah onu heç bir kəsə bildirməmişdir. Yəni, Allahın adları müəyyən bir ədəd sayı ilə bitmir. Bu bizim, yəni, Əhli-Sünnə vəl Cəməanın etiqadıdır. O ki qaldı, peyğəmbərimizin صلى الله عليه وسلم “Allahın doxsan doqquz ismi var ki, hər kim onları sayarsa Cənnətə daxil olar!” –hədisi Allahın isimlərinin cəmi doxsan doqquz olmasına dəlalət etmir. Bu hədisdən çıxan məna odur ki, Allahın doxsan doqquz ismini sayan Cənnətə daxil olar, yəni bu doxsan doqquz isim Cənnətə daxil olmaq üçündür.