وا معتصما

وامعتصماکتابداسلاميامتدبېوسولوڼودمظلوميتانځوردی

وامعتصما کتاب د اسلامي امت د بې وسو لوڼو د مظلوميت انځور دی.

د نړۍ په بدنامو زندانو کې د مسلمانو خويندو د حسرت چيغې او فريادونه، چې ځوانانو ته د غيرت خطاب کوي. د هغوی ستړې او زخمي ارواوې شپه او ورځ د کائناتو رب ته زارۍ کوي او د ځمکې پر مخ ورنه د يو بل معتصم او محمد بن قاسم د پيدا کېدو غوښتنه کوي تر څو په دوی باندې غيرت وکړي او د ذلت زولنې يې له لاسونو څخه خلاصې کړي.

د ابو غريب، ګوانتنامو او باګرام له وحشي غېږې د حضرت محمد مصطفی صلی الله عليه وسلم د امت لوڼې د وخت ځوانانو ته چيغې وهي او د درد په ژبه ورته د بشري ځناورو په لاس د خپلو لوټ شويو عفتونو کيسه کوي. هغه خويندې چې سترګې يې د غم او اميد له اوښکو ډکې او په بدن يې د ظلم خاپونه جوړ دي او د زندان د تورو تمبو تر شا شپه ورځ ساړه اهونه او خپې سلګۍ وهي، سرونه يې د زندان له دېوله سره نښلولي، غوږونه يې د تکبير د ملکوتي انګازو په انتظار او سترګې يې د کوم معتصم او محمد بن قاسم د ورتلو په انتظار سپينې شوې. هغوی په دې هيله چې د دې پراخ جهان په کوم کونج کې به بيا کوم معتصم باالله يا محمد بن قاسم را پيدا شي زموږ د وامعتصما او وامحمدا! کوکې به واوري او لبيک به ورته ووايي، د ظلم زندانونه به دړې وړې کړي، موږ ته به د ازادۍ له پيغام سره ګلونه په لاس راشي، د وحشت ځنځيرونه به مات کړي او زموږ د لوټ شوي عصمت او عفت انتقام به له دې ځناورو څخه واخلي، دا خويندې په همدې انتظار شپې سهار کوي او د مسلمه امت ځوانانو ته خپل په وينو ليکلي پيغامونه د زندان له غېږې را لېږلي دي.

په دې کتاب کې د دې خويندو د مظلوميت کيسې او د اسلامي امت ځوانانو ته يې پيغامونه را ټول شوي، ښاغلي ورور نقيب الله (( احمدي )) د خپل مسؤليت او د اسلامي امت ځوانانو ته د دې خويندو د پيغام رسولو په تکل دا څو پاڼې د زړه په وينو رنګينې کړې دي. هيله ده د هر با درده مسلمان په زړه کې به کړيکه او درد پيداکړي او د دې خويندو د ازادۍ او محکومې اسلامي نړۍ د خدمت لپاره به مټې را ونغاړي.

هدایت

والسلام