د اوبو احکام

اوبه يو داسې نعمت دی, چې نه يواځې د انسان ژوند ورپورې تړلای دی, بلکې د ټولې ...

الله تعالی په ټولو مخلوقاتو اوبه ځانګړې توګه په انسانانو باندې زيات نعمتونه نازل کړي دي ، چې انسان او ټول ژوندي موجودات ورڅخه ګټه واخلي ، چې له هغې نعمتونو څخه يو هم (اوبه) دي .

اوبه يو داسې نعمت دی ، چې نه يواځې د انسان ژوند ورپورې تړلای دی ، بلکې د ټولې نړۍ نظام الله تعالی داسې چمتو کړی ، چې د ژوند په هر ډګر کې ورته اړتيا لري .

او بيا د الله تعالی ستره نيکي دا وه چې ټولو خلکو ته ئې وړيا ورکړې ، او خان او بې وزله ورڅخه په يو ډول ګټه اخلي ، کومې پاکې او ښکلې اوبه چې الله تعالی د انسان د ژوند لپاره د اسمان څخه نازلې کړې دي ، ټول خلک ترې په آسانۍ ګټه اخستلای شي ، اوپه اړوند ئې الله تعالی په قرانکريم کې فرمايي : وَجَعَلْنَا مِنَ الْمَاءِ كُلَّ شَيْءٍ حَيٍّ ( )

ژباړه : بې شکه چې د نړۍ ټول ساکښ د اوبو سره ژوندي دي .

دغه خبره خو په څارويو او انسانانو کې څرګنده ده ، او نبات ژوندی جسم دی ، چې د هغې مبداء هم اوبه ده ،نو د کتاب په ليکلو کې د الله تعالی څخه توفيق غواړم ، تر څو ورڅخه مسلمانان ګټه واخلي او ماته ئې ثواب حاصل شي .

له کتاب څخه