Piv 'neus lazhet Lemaure ?

ودن yaouank Kavet مارف، tremenet دري ع prenestr. البتراء زوي hoarvezet هذا؟

Un den yaouank kavet marv, tremenet dre ar prenestr. Muntret pe en em lazhet, petra zo c'hoarvezet ?

Un diskouezadeg mod nevez ma kemerit perzh enni, a zigor un doare digustum da vont ouzh ar fiksion polis.

War harzhoù al lennegezh, ar vandenn-dreset hag ar c'hoari video, eo bet savet an diskouezadeg evit an dud az a d'al levraouegoù, mediaouegoù, saloñsoù ha gouelioù.

Ar gweladenner a fell dezhañ c'hoari en em gav tutaet evel enseller stajiad, gant ar pal diskoulmañ an enklask bet digoret goude muntr ar 26 straed Dampierre.

Ur benveg hezoug gantañ, e vez kaset dezhañ urzhioù digant Séraphin Limier, an enseller, ha digant e genseurted eus an ti-polis, da gas e gefridi da benn.

Mintin abred ez eus bet kavet ur c'horf, tremenet dre ar prenestr, d'ar 26 stread Dampierre. Pemp annezad zo er c'hendi, met n'eo ket bet gwelet tra ebet gant den ebet, na pa vefe gant ar borzhierez pe ar gozez, ar c'houplad direbech pe an amezeg a rann an estaj gantañ. Emlazh, muntr, petra zo c'hoarvezet ?

Tra ma skoazello an enseller Limier gant e enklask, e ranko ar gweladenner sellet ouzh danevell ar mezeg-lezenn, goulennata an dud diskred warno, ha furchal pizh e ranndi ar reuziad...

Panellioù an diskouzadeg zo arouezioù d'al lec'hioù ma rank ar stajiad mont da gas e enklask war raok.

Un dablezenn gantañ ez aio ar gweladenner a banell da banell hag, a drugarez da vinviji etrewezhiat (panellioù/arload), e c'hello adsevel ar mil-tamm a dammoù.

Etrefas an arload a roio dezhañ ur « vouest ostilhoù » e kavo enni ur pellgomzer, postelloù, SMSoù, ur servijer dielloù, ur benveg poltriji.

Heñchet e vo ar gweladenner gant enrolladennoù mouezhioù, testennoù ha videoioù betek diskoulmañ an afer ha kavout an den kablus.

Merkoù da vezañ skannet evit lañsañ an traoù ha kas an avañtur war raok.

Heñchet eo ar gweladenner gant skipailh an ti-polis dre bellgomz, dre bostell pe dre SMS.

Enklask an elfennoù dre douchañ war an dablezenn.

Gwelet e vez an tudennoù dre wirvoud kresket ouzh ar panellioù, war an dablezenn.

An teuliadoù (videoioù, danevelloù...) a c'heller kavout e-barzh un teuliad « dielloù ».

Skoazell dre bellgomzadennoù d'ar brigadier e karg eus an degemer.